Tuesday, February 11, 2014

కబుర్లు - 106


అవీ, ఇవీ, అన్నీ

ఈ మధ్య దేవుళ్ల, దేవతల విగ్రహాల అలంకారాలలో వెరయిటీ ప్రవేశపెట్టారు. నవనీతం (అంటే వెన్న అనుకుంటా), చెర్రీ పళ్లూ, బాదం, పిస్తా, జీడిపప్పులూ వగైరాలతో అలంకారం చేస్తున్నారు. (ఆ వ్యాపారుల లాబీలు బాగానే పనిచేస్తున్నాయన్నమాట. ఇంక వాటికి కూడా ద్రవ్యోల్బణం దెబ్బ తగులుతుందన్నమాట).

అన్నట్టు, మొన్న రథసప్తమి సందర్భంగా, 06-02-2014 న శ్రీగిరి శ్రీవారి గరుడవాహనం వూరేగింపులో గరుడుడి చేతులు "ఖాళీ" గా వున్నాయి! అంటే స్వామికి కృత్రిమకాళ్లు తగిలించి, గరుడుడి చేతుల్లో పెట్టలేదన్నమాట. మరి హనుమంత వాహనం సంగతి తెలీదు. 

ఈ వచ్చిన బుధ్ధిని కొనసాగిస్తే బాగుంటుంది.

మన ఆచారాలగురించీ, సాంప్రదాయాలగురించీ, పండుగల గురించీ, ప్రతీమాసం, అందులో ప్రతి తిథీ వాటి గొప్పతనం గురించీ వ్రాసేవాళ్లు, చెప్పేవాళ్లు యెక్కువైపోయారీమధ్య. తప్పులేదు లెండి. యెవరి గొప్పతనం వారిది.

రథ సప్తమిరోజు తలమీద 7 జిల్లేడు ఆకులూ గానీ, రాగి ఆకులుగానీ (రావి ఆకులని కవి హృదయం అనుకుంటా) పెట్టుకొని స్నానం చేయడం సంప్రదాయం అంటాడొకడు. రేగు పండు సంగతి జ్ఞాపకం లేదు వాళ్లకి. పైగా ఒక్క ఆకు సరిపోతుందనీ తెలియదు.

సూర్యకాంతిలో యేడు రంగులనీ, అవే రథానికి 7 గుర్రాలు అనీ, ఒకే చక్రం--అదే కాల చక్రం అనీ చెపుతారు. ఇంకొకడు ఒకే గుర్రం అనీ, దాని పేరు "సప్త" అనీ, అందుకే "సప్తాశ్వుడు" అనీ అంటాడు.

ఈ మధ్య షణ్ముఖ శర్మ గారు (అదేదో సినిమాలో ఒకడి పేరడిగితే, తలుముక తెలమ అని పలుకుతాడు) "నల్లనువ్వులూ" "తెల్లనువ్వులూ" అన్నాడని వ్రాస్తున్నారు. ఆయన అలా అన్నాడో లేదో గానీ, "దుక్కి దున్నావా, విత్తుజల్లావా, పైరు కోశావా, నూనె తీశావా....." లాంటి డైలాగు వెయ్యాలనిపిస్తుంది. 

బ్యాంకాక్ లో ఆరువేలకోట్ల రూపాయల ఖర్చుతో, దమ్మకాయ సంస్థ ఓ బుధ్ధ స్థూపాన్ని నిర్మించారట. దాని మీద 3 లక్షల బుధ్ధ ప్రతిమలు ఒకే సైజు, ఆకారం లో నిర్మించారట. చూస్తుంటే, పైన చుక్కల చుక్కల డిజైన్ వేసినట్టు కనిపిస్తుందట. స్థూపం లోపల మరో 7 లక్షల విగ్రహాలని పెట్టే పనిలో వున్నారట. యెంత బుధ్ధ భక్తో!


4 comments:

TVS SASTRY said...

చాలా బాగుంది మీ పరిశీలన !

hari.S.babu said...

తెల్ల నువ్వులు ఉన్నాయనుకుంటాను.

A K Sastry said...

డియర్ శాస్త్రిగారూ!

చాలా సంతోషం.

ధన్యవాదాలు.

A K Sastry said...

డియర్ Hari Babu Suraneni!

అనుకోవడంతో సరిపెట్టడం యెందుకు? నిజాన్ని కనిపెట్టొచ్చుగా?!

ధన్యవాదాలు.