Saturday, June 27, 2009

విచిత్రజీవి

వీడెక్కడోడండీ బాబూ!

‘……నీకొండకి నీవే…..’ యాత్రలో మేము చర్చించుకున్న మరో విషయం…’అన్యమతస్థుల’ ఆలయ ప్రవేశం గురించి!

హిందువులు కానివారెవరైనా శ్రీపతి స్వామిని దర్శించుకోవాలంటే, ఒక రిజిష్టర్ లో ఒక ధృవీకరణ క్రింద సంతకం చెయ్యాలి! అందులో ‘నేను అన్య మతస్థుణ్ణైనా, పూర్తిగా స్వామి మీద విశ్వాసం తో ఆయన దర్శనానికి వచ్చాను’ అని వుంటుంది!

మరి మన సీ యెం వచ్చినప్పుడల్లా సంతకం చేస్తున్నాడా? అంటే, మా గైడ్, ‘ఖచ్చితం గా చేస్తున్నాడండీ, జగన్ చేస్తున్నాడు, రాహుల్ చేశాడు’ అని నొక్కి వక్కాణించాడు! అయితే మంచిదే అన్నాము!

నేను, మరి బ్రహ్మోత్సవాలకీ, కళ్యాణాలకీ నెత్తిమీద పట్టు వస్త్రాలు పెట్టుకొని స్వామికి ఆయనే యెందుకు సమర్పించాలి? అంటే, ‘అది అఫీషియల్ కెపాసిటీ’ అన్నారు!

మరి ఈ ‘అఫీషియల్ కెపాసిటీ’ని యెందుకు మార్చరు?

ఆయనేమో ‘నేను 2004 లో జెరూసలెం యాత్ర చేసి వచ్చాను, రాష్ట్రం లో మంచి వర్షాలు పడ్డాయి……అయిదేళ్ళూ పడ్డాయి, మళ్ళీ ఇప్పుడు జెరూసలెం యాత్ర చేసి వచ్చాను…..ఇక చూడండి, అయిదేళ్ళూ వర్షాలే వర్షాలు….’ అంటాడు!

ఇప్పటిదాకా తొలకరి కూడా లేకపోయేసరికి, ‘అన్ని గుళ్ళలోనూ వరుణజపాలూ, విశేష పూజలూ, యఙ్ఞ యాగాలూ చెయ్యండి’ అంటాడు మళ్ళీ! అదీ ప్రభుత్వం తరుఫున!

అదేదో సినిమాలో బ్రహ్మానందం అన్నట్టు ‘నువ్వు నాకర్థం కావురా బాబూ’ అని మొత్తుకోవడం తప్ప మనమేమి చెయ్యగలం!

Thursday, June 25, 2009

లోక్ సత్తా!

జేపీ.......
......చూశారా యెమంటున్నారో?

మిషన్ 2014 ట! ఆప్పటికి....అధికారమే పరమావధిగా....ఓ ప్లాన్ రచించారట!

నిజంగా అదే జరిగితే.......హాట్సాఫ్......

"విష్ యూ 'ది ' బెస్టాఫ్ లక్"

Sunday, June 7, 2009

ప్రశంస!

ప్రథాని మన్మోహన్ సింగ్ నీ, కాంగ్రెస్ అధ్యక్షురాలు సోనియా గాంధీ ని, ప్రణబ్ ముఖర్జీ ని అభినందించారట—అద్వానీ—
‘భద్రతకు పెద్దపీట, ప్రత్యేక గుర్తింపు కార్డులు, సాక్షరత మిషన్, మహిళా రిజర్వేషన్ బిల్లు, విదేశీ బ్యాంకుల్లో నల్లధనాన్ని వెనక్కి తేవడం’—ఇవన్నీ రాష్ట్రపతి ప్రసంగం లో ప్రస్తావించినందుకు!

ఇవన్నీ జరిగితే, మనందరికీ సంతోషమే కదూ!

Tuesday, June 2, 2009

లోక్ సత్తాకి

తెదేపా ఎమ్మెల్యే రేవంత్ రెడ్డి అర్హతలేమిటో నాకైతే తెలియదుగాని, ఆయన కొన్ని ప్రశ్నలని లేవనెత్తాడు—లోక్ సత్తా, జయప్రకాష్ నారయణ్ ల మీద!

1) కడపలోనూ పులివెందుల్లోనూ అభ్యర్థుల్ని యెందుకు నిలప లేదు?

2) ఖైరతాబాద్ నించి కాకుండా కుకట్ పల్లి నించి యెందుకు పోటీ చేశారు? దాని వెనక వున్న కాంగ్రెస్ వాళ్ళు యెవరు?

3) వారసత్వ రాజకీయాలు గిట్టవని చెప్పి, యూపీయే ప్రభుత్వానికి చెందిన జాతీయ సలహా మండలి లో యెలా పని చేశారు?

4) కార్పొరేట్ కాళాశాలలమీద పోరాడాతాం అని, చుక్కా రామయ్యకి యెందుకు సీటు ఇచ్చారు?5) మద్యం పంచడానికి వ్యతిరేకం అని చెప్పారుగాని, మీ యేజంట్ తెర్లాం ఉపయెన్నికల్లో మద్యం సేవించి వస్తే, రిటర్నింగ్ ఆఫీసరు మెడపట్టి గెంటేశారు కదా?

6) అసెంబ్లీ నించి వాకౌట్లూ గట్రా చెయ్యబోమని ప్రకటించారు—కాంగ్రెస్ తో మాచ్ ఫిక్సింగా?7) యెన్నికలయ్యాక, స్టార్ హోటెల్ లో విలేకర్ల సమావేశం పెట్టి, మీడియా కి విందు ఇచ్చారు—ఇదా స్వచ్చత?8) యే సామాజిక న్యాయం పాటించారు?

9) గత అయిదేళ్ళలో అవినీతి ప్రభుత్వానికి వ్యతిరేకంగా యే పోరాటాలూ యెందుకు చెయ్యలేదు?

ఇవీ ప్రశ్నలు!

వీటికి జేపీ కూడా దీటుగా జవాబు చెపుతాడని మనందరం ఆశిస్తాం కదా?
జేపీ తరఫున నేను చెప్పగల జవాబులు :

1; 2 : యే నియోజక వర్గాల్లో యెవరు పోటీ చెయ్యాలనేది, పార్టీలో యెన్నికలు నిర్వహించి నిర్ణయించారు కదా!
3. వారసత్వ రాజకీయాలకీ, యూపీయే ప్రభుత్వానికి సంబంధం లేదు కదా?
4. చుక్కా రామయ్య ఓ మేధావి! ఆయన కాలేజీలు రద్దు చేసినా ఆయన పట్టించుకోరు! (ఇవి నిజాలా?)
5. యేజంటు యెవడో మద్యం సేవించడానికీ, పార్టీ మద్యం పంచడానికీ సంబంధం యేమిటి?
6. వాకౌట్ చెయ్యను అంటే—లోపలే వుండి పోరాడతానని!—దీన్నేదో ఫిక్సింగంటే యెలా?
7. పార్టీ యెన్నికల్లో ఖర్చుపెట్టగా మిగిలిన డబ్బులతో పెట్టాం! తప్పా?
8. సామాజిక న్యాయం పార్టీ మాది కాదు—చిరంజీవిది!
9. పేపర్లలో ప్రకటనలిస్తూనే వున్నాం! జల యఙ్ఞాన్నీ, కాగ్ నివేదికపై, ఖండనలూ మండనలూ ప్రకటిస్తూనే వున్నాముగా?

యెలా వున్నాయి?

ఇంతకీ జేపీ యేమన్నారు?

1. ప్రధాన ప్రతిపక్షానికి ప్రతిపక్షం గా వుంటామని వాళ్ళు భయ పడుతున్నారు!
2. డబ్బులూ మద్యం పంచకుండా వోట్లు యెలా సంపాదించుకోవాలో మాకు తెలుసు!
3. నన్ను ప్రభుత్వం నియమించింది—సోనియా గాంధీ కాదు! దీని ద్వారా—పాలనా సమాచార హక్కు చట్టం, ఉపాధి హామీ పధకం, గ్రామ న్యాయాలయాల చట్టం, జవహర్లాల్ నెహ్రూ పట్టణ పునర్నిర్మాణ పధకం, జాతీయ ఆరోగ్య పధకం—ఇవన్నీ సాధించ గలిగాం! (ఇది మాత్రం నిజం—నిజం గా హేట్స్ ఆఫ్ టు జేపీ!)
4. నా పోరాటం తప్పంటే, యే రకం గా తప్పో ప్రజలే చెప్పాలి!

బాగుంది కదూ!

మీరేమంటారు?