అవీ, ఇవీ, అన్నీ
నిన్న ఎన్ టీ ఆర్ వర్థంతి సందర్భంగా, అనేక కార్యక్రమాలూ, పురస్కార, బహుమతి ప్రదానాలూ, నివాళులు అర్పించడాలూ బాగానే జరిగాయి.
ఇంకా కొంతమంది వర్థంతులు కూడా జరిగాయి.
ఈ సందర్భంలో, చంద్రబాబు "ఎన్ టీ ఆర్" కి భారత రత్న ప్రకటించవలసిందే అన్నాడు. మొహమాట పడకుండా, తిక్కవరపు సు రా రె కి ఓ ఫోను కొడితే, రేపు 26 కే వచ్చేస్తుంది. ఆయనకి ఇలాంటి విషయాల్లో తర, తమ భేదాల్లేవు. ఇప్పటికే మంగళంపల్లి కి ఆ "రత్న" కోసం ప్రయత్నాలు చేస్తున్నానని ప్రకటించాడు కదా? ఈయన చెప్పవలసిందల్లా, 'ఆయనకి అంత అర్జెంటు లేదు, ముందు దివంగత ఎన్ టీ ఆర్ కి ఇప్పించు'--అని అడగడమే!
ఇవేమి పూలో (నా 'నేచర్ లవర్' లైబ్రరీ నుంచి) చెప్పగలరా? నాకూ వాటిని చూడడం ఇది మొదటిసారే! కాలవ గట్లమీద పెరిగే 'తిప్ప తీగి' పువ్వులు అలా, ఇంకొంచెం పెద్ద సైజులో వుండేవి! (ఆయుర్వేద ఔషధ గుణాలున్న తిప్పతీగి ఇప్పుడు కనుమరుగయింది!)
ఇంతకీ ఇవి "యెర్ర చిలగడ దుంప" పూలు! మా మేడమీద 6' X 2' మడిలో, దుంప ఓ చివర ఓ అంగుళం ముక్క కోసి పాతితే, 4 నెలల్లో ఓ రెండున్నర కేజీల దుంపలు వచ్చాయి!
ఇంక ఓ 'దుంపల సప్తాహం' నిర్వహించి, దుంపల కూరా, పచ్చడీ, పులుసూ, బెల్లం పాకం పట్టిన దుంపలూ, కాల్చిన దుంపలూ--ఇలా "కందమూల కౌద్దాళికులై" ఆహార ద్రవ్యోల్బణాన్ని తట్టుకున్నాము!
మీరు కూడా ప్రయత్నించండి.
No comments:
Post a Comment