Sunday, March 14, 2010

కరెంటు కష్టాలు


కోతలు--పరిష్కారాలు

ప్రతీ సంవత్సరం (సుబ్బారాయుడు మంత్రిగా వున్నా, మరో డబ్బా రాయుడు మంత్రి అయినా) తప్పని తద్దినాలే--ఈ కరెంటు కోతలు.

అయినా ప్రతీ యేడూ కొత్త కొత్తగా, మన ఉగాదిలా అలరిస్తూ వుంటాయి మన ప్రజలని.

ఇష్టం వచ్చినట్టు, ఇష్టం వచ్చిన టైములో, పగలూ రాత్రీ అనక కరెంటు తీసేస్తారు--ప్రతీ యేడూ!

మళ్ళీ ప్రతిపక్ష పార్టీల ఆధ్వర్యంలో ఆందోళనలూ, రాస్తా రోకోలూ, సిబ్బందిని వాళ్ళ కార్యాలయాల్లో బంధించి తాళం వెయ్యడాలూ, కొంతమందిని నడ్డి విరగదన్నడాలూ, మామూలుగా జరిగితే, అప్పుడు రాత్రి పూట కోతలు వుండవు! ఓ క్రమం ప్రకారం జరుగుతాయి ఈ కోతలు!

మరి ప్రతీ సంవత్సరం ఇలా నిర్దిష్టం గా ఓ పధ్ధతి ప్రకారం యెందుకు చెయ్యదు ప్రభుత్వం?

అదంతే! దాని చర్మం చాలా మందం!

పైగా ఓ ప్రైవేటు సంస్థ తను వుత్పత్తి చేస్తున్న 'కరెంటుని తమిళనాడుకి యెందుకు అమ్ముకోవాలి? వొప్పందం రద్దు చేసుకోవాలి' అంటారు కాంగీరేసు ప్రజా ప్రతినిధులు. (వాళ్ళవి నాలుకలో--తాటి పట్టెలో తెలీదు నాకు!)

'నేనెప్పుడో ఆ సంస్థనించి వైదొలిగాను. సామాన్య షేర్ హోల్డర్ని మాత్రమే' అంటాడు రాజగోపాల్. (నా వ్యక్తిగత అభిప్రాయం అడిగితే, ఓ ప్రజా ప్రతినిధిగా యెన్నికయ్యే అర్హతే లేదు వీడికి.)

మరి ఓ ప్రైవేటు సంస్థ తన వొప్పందాన్ని రద్దుచేసుకోవాలని డిమాండ్ చేసే తాటి పట్టెలు--తమ ప్రభుత్వం జల యఙ్ఞానికి, గాలి గాళ్ళకి కోట్లకి కోట్లు దొబ్బబెడుతున్న వొప్పందాలని యెందుకు రద్దు చేసుకోదు--అని ప్రశ్నించవేం?

మీరేం యేడ్చినా, కరెంటు కోతల్ని నివారించండి చాలు!

2 comments:

చెప్పు దెబ్బలు-పూలదండలు said...

లగడపాటి పై మీ అభిప్రాయంతో ఏకీభవిస్తున్నాను.వై ఎస్సార్ పాదయాత్రకి డబ్బు ఖర్చు పెట్టిన ఒకే ఒక క్వాలిఫికేషన్ తో ఎంపీ అయ్యారు సారు.

కృష్ణశ్రీ said...

డియర్ '.......దండలూ!

అప్పట్లో మేము అనంతపురం జిల్లాలో వుండేవాళ్ళం కనుక కోస్తాంధ్ర లో రాజకీయాలని పెద్దగా గమనించలేదు.

అప్పట్లో కాంగ్రెస్ గెలవడానికి వేరే కారణం వుందన్నది నా నిశ్చితాభిప్రాయం.

ఓ కొత్త విషయం చెప్పినందుకు నా ధన్యవాదాలు!